Apple iPhone 14: રાજસ્થાનના એક વ્યક્તિએ સ્ટોરમાં જઈને iPhone 14 ખરીદવા માટે 1.5 લાખ રૂપિયાના સિક્કા ચૂકવ્યા. આ ઘટનાનો વિડિયો સોશિયલ મીડિયા પર ખૂબ જ ટ્રેન્ડ કરી રહ્યો છે. આ બાબતે તેનો દુકાન માલિક સાથે વિવાદ થયો હતો. રાજસ્થાનમાં એક ચોંકાવનારો કિસ્સો સામે આવ્યો છે. આ વર્ષે લૉન્ચ થયેલા iPhone 14 ખરીદવા માટે એક વ્યક્તિ એપલ સ્ટોર પર ગયો હતો, પરંતુ આ સમય દરમિયાન તેણે ચુકવણીના મોડ તરીકે ન તો ઓનલાઈન પસંદ કર્યું કે ન તો કાર્ડ દ્વારા. તેણે આઈફોન મેળવવા માટે રોકડનો મોડ પસંદ કર્યો. એક મિનિટ રાહ જુઓ… આખી વાત હજી પૂરી થઈ નથી, કારણ કે જે વ્યક્તિએ iPhone 14 ખરીદ્યો હતો તેની પાસે પેમેન્ટ કરવા માટે માત્ર સિક્કા હતા. હા, તમે તે સાચું વાંચ્યું છે, માત્ર સિક્કા. હવે તમે વિચારતા જ હશો કે આટલો મોંઘો ફોન ખરીદવા માટે કોઈ આટલા સિક્કા કેવી રીતે લાવી શકે.
આઇફોન ખરીદવા માટે સિક્કા લઇને દુકાન પર પહોંચી
રિપોર્ટ્સ અનુસાર, રાજસ્થાનના એક વ્યક્તિએ સ્ટોર પર જઈને iPhone 14 ખરીદવા માટે 1.5 લાખ રૂપિયા સિક્કામાં આપ્યા હતા. આ ઘટનાનો વિડિયો સોશિયલ મીડિયા પર ખૂબ જ ટ્રેન્ડ કરી રહ્યો છે. આ બાબતે તેનો દુકાન માલિક સાથે વિવાદ થયો હતો. આ વ્યક્તિની ઓળખ અમિત શર્મા તરીકે થઈ છે, જે Crazy XYZ નામની યુટ્યુબ ચેનલ ચલાવે છે. તેણે આ ચેનલ પર સિક્કા સાથે આઇફોન ખરીદતો એક વીડિયો પોસ્ટ કર્યો છે. જોકે, તેણે વીડિયોના અંતે ખુલાસો કર્યો હતો કે તે મજાક હતી. લોકોને લાગ્યું કે આ એક વાસ્તવિક ઘટના છે, પરંતુ એવું નહોતું. આ YouTuber દ્વારા શૂટ કરવામાં આવેલ પ્રૅન્ક વીડિયો હતો.
જુઓ વિડિયો-
વીડિયો સોશિયલ મીડિયા પર વાયરલ થઈ રહ્યો છે
YouTube વિડિયો અપલોડ કરવામાં આવ્યો ત્યારથી તેને લગભગ 4 મિલિયન વ્યૂઝ અને 3 મિલિયનથી વધુ સોશિયલ મીડિયા લાઈક્સ મળી છે. વીડિયોની શરૂઆતમાં અમિત તેના મિત્રો અને ઘણાં સિક્કા સાથે જોઈ શકાય છે. બધા સિક્કા તેની સામે એક થેલી અને પ્લાસ્ટિકના ટબમાં જોવા મળ્યા. વીડિયોમાં અમિત એપલ સ્ટોરમાંથી iPhone 14 ખરીદ્યા બાદ પેમેન્ટ અંગે ચર્ચા કરતા જોવા મળ્યા હતા. જ્યારે તેણે દુકાનદારને રોકડ ચુકવણી માટે પૂછ્યું, ત્યારે તેણે તેની સામે સિક્કાઓનો ઢગલો રજૂ કર્યો. આ જોઈને ત્યાં હાજર લોકો ચોંકી ગયા. સિક્કા ગણવા બાબતે દુકાનદાર અને ગ્રાહક વચ્ચે બોલાચાલી થઈ હતી.
